تاني كاتب لي خبارك
وانتا فاكر انو لسا قلبي تايه في مدارك
دي الديار خليتا زاتا لما ضاقت بي ديارك
والبعاد الشايفو قاسي ما زمان كان باختيارك
انتا فاكر بنسي جرحك جيت تدمع في اعتذارك
لما رحتا تجور علي ورحتا ابعد عن مساركتاني كاتب لي خبارك
الجواب الجاني منك عندي ما صار ليهو قيمه
و الهوي الكان بيني بينك عدا بي الشوق و العزيمه
وهسي لما طريت هواي وقصة الذكري الاليمه
جاي تاني عشان تعاود لي حكاياتنا القديمه
تاني كاتب لي خبارك
الكلام الفي جوابك كان بيمشي علي زمان
قبل ما تقدر عيونك قبل ما يخوني الزمان
انتا فاكر قلبي بنسي قصة الزل والهوان
لا لا و الف لا لا دي الكرامه الفيني اغلي من عيونك والحنان
تاني كاتب لي خبارك
انتا فاكر اني ممكن ليك ارجع تاني مره
لا لا و استحاله
ما الفراق انتا البديتو يوم حرمتا الروح وصاله
ودا الجرح مهما استقرا لو حصل طيفك غشاني و مره في ذاكرتي مره
ببدأ ينزف تاني مره وتاني مره
يا حليل ايام عيونك كان بتلهمني المسره
اصلو كان خادعني لونك والبريق الفي عيونك
و الكلام القلتو لي كان بيخدع فيني زيفو
وكنتا ممكن برضو اهديك نور عيوني عشان عيونك مني يرضو
واصلي حاسس طول سنيني انو اشواقي و حنيني نقطة الضعف الفيني
تاني كاتب لي خبارك
الا اسا انتا انسي و حقو تنسي انو كان بيناتنا قصه
واصلو ما تعشم عيونك اني بهواك انتا لسا
وانتا لو فاكرني بحزن شان فراقك او جفاك
تبقي موهوم في عواطفك اصلو قلبي زمان نساك
و ابتديت انساهو ليلك و السنسن المرو ديلك
وانسي جور كل الاماسي الفيها كم قاسيتو ويلك
وانتا لو فاكرني بحزن شان فراقك او جفاك
يا حليلك
ويا حليلك
للشاعر مختار دفع الله
رائع دوما في اختيارك
ردحذفكعهدنا بك
فائق تقديري واحترامي
احلى حاجة فى القصيدة دى الصورة
ردحذفوالشوز بقى تحفة
الاختلاف فى الرأى لا يفسد للود قضية يادودى
اشكر مرورك
ردحذفالوردة البيضا
وثنائك لا حرمنا الله مرورك
التقوي مش عجبك الا الشوز هههههههههههه
ردحذفاكيد الاختلاف لا يفسد للود قضية
دي قصيدة لشاعر معروف سوداني من وادي النيل
لا حرمنا الله مرورك
ههههههههههههههههه لا بقى هيحرمك مرورى بقى
ردحذفليه كده بقي
ردحذفطيب مستني مرورك في جديد المدونة
اوعي تتاخري
كل يوم جديد